ಅವನ ಕೈಜಾರಿ ನೆಲ ಸೇರಿದ ಬಳಿಕ ಒಬ್ಬಂಟಿ ನಾನು
ವಂಚಕ ಒಬ್ಬಂಟಿತನದಲ್ಲು ಪ್ರಾಮಾಣಿಕ ಒಬ್ಬಂಟಿ ನಾನು
ಅನವಶ್ಯಕ ಯಾರ ಸಹಿ; ಮುದ್ರೆ ಕತ್ತಲೆಗೆ ಮತ್ತು ನಿದ್ರೆಗೆ
ಕನಸುಗಲೆದ್ದು ಹಾಸಿಗೆ ಮಡಚುವ ತನಕ ಒಬ್ಬಂಟಿ ನಾನು
ಹಸಿವು ನಗು ಮತ್ತು ಮೈಥುನ ಯಾರಪ್ಪಂದಿರ ಸ್ವತ್ತಲ್ಲ
ಈಗಷ್ಟೇ ಈ ಬಟ್ಟೆ ಬಡಿವಾರ ಬಿಸಿನೀರ ಜಳಕ ಒಬ್ಬಂಟಿ ನಾನು
ಮಲಗಿದವರ ಮಧ್ಯೆ ಎದ್ದು ಕಣ್ಬಿಟ್ಟೆ ಸುತ್ತಲೂ ಸುಡುಗಾಡು
ನಡು-ನಡುವೆ ಗೊರಕೆ ಮತ್ತೆ ಆಕಳಿಕೆ ಎದೆ ತುಂಬ ನಡುಕ ಒಬ್ಬಂಟಿ ನಾನು
ತೊಗಟೆ ರೆಪ್ಪೆಗಳ ಇಷ್ಟಿಷ್ಟೇ ಕಳಚಿ ಬಿಗಿದ ಭುವಿಯ
ತೋಳ ಸಡಲಿಸಿ ಆಕಾಶ ದಿಟ್ಟಿಸುವ ತವಕ ಒಬ್ಬಂಟಿ ನಾನು
No comments:
Post a Comment