ನವಿಲು ಸಾಕಿದೆನವ್ವ
ನಾನೊಂದ ನವಿಲು ಸಾಕಿದೆನವ್ವ
ನವಿಲು ಸಾಕಿದೆನವ್ವ
ಬಣ್ಣದ ನವಿಲು ಸಾಕಿದೆನವ್ವ
ಬೆರಳಾಗ ಗರಿಗೆದರಿತ್ತು
ನೆರಳಾಗ ಕಣ್ಣು ಹೊರಳಿತ್ತು
ಸುಣ್ಣದ ಗ್ವಾಡಿ ಮ್ಯಾಲ
ಚಣ್ಣ೦ತ ನೆಗೆದಾಡಿತ್ತು II ನವಿಲು ಸಾಕಿದೆನವ್ವ II
ನಟ್ಟನಡು ಹಗಲಿನಾಗ
ಗುಟ್ಟಾಗಿ ಕೂಡುವ ನವಿಲು
ತಿಂಗಳದ ಬೆಳಕಿನ್ಯಾಗ
ಅಂಗಳಕ ಬರುವ ನವಿಲು II ನವಿಲು ಸಾಕಿದೆನವ್ವ II
ಪಾತರದ ಪಂಚೆ ಉಟ್ಟು
ಯಾತರದೊ ಹಾಡ ಕಟ್ಟಿ
ಬೆಳಕಿನ ದಿಬ್ಬದ ಮ್ಯಾಲ
ಕತ್ತಲು ಕುಣಿದ್ಹ೦ಗಿರುವ II ನವಿಲು ಸಾಕಿದೆನವ್ವ II
ಪಾಟಿಚೀಲದ ಒಳಗಾ
ಕ್ವಾಟೆಯ ಮಾಡಿಕೊಂಡು
ಮೂರು ತಿಂಗಳದೊಳಗ
ಆರಾರು ಮಕ್ಕಳ ಹಡೆವ II ನವಿಲು ಸಾಕಿದೆನವ್ವ II
ಮೂರು ಲೋಕದ ಕಣ್ಣು
ಸೆಳೆದಂತ ಮೂಗುತಿ ಹೆಣ್ಣು
ಒಡೆದ ಬಲೆ ಚೂರಿನಲ್ಲು
ಕಟೆದ್ಹ೦ಗ ಕಾಮನಬಿಲ್ಲು II ನವಿಲು ಸಾಕಿದೆನವ್ವ II
ಒಂಟಿ ಕಾಲಿಲೆ ಕುಣಿದು
ಮೋಡದ ಗಂಟೆ ಬಾರಿಸಿದಂತ
ಎಂಟೂರು ರೈತರ ಕರೆದು
ಭೂಮಿ ಕುಂಟೆ ಹೊಡಿಸಿದಂತ II ನವಿಲು ಸಾಕಿದೆನವ್ವ II
1 comment:
Dear ramesh, ivat sanje nim jote matadi mattu ega navilu sakidenavva kavite odi tumba santoshwaytu. Kambarara kavite maretandara mareyali hyanga annu avarade daniyalli kelidmyala nangu hage bareyabekeniside. Andagale janarannu muttalu sadhya annodu nan bhavane. Nim kavite sharifarannu nempisitu. Dharawadakke bandaga phn madi. Kavitegalannu hanchikollona.
Preetiyinda
vithal.
Post a Comment